by Anonymous / Unidentified Author
O Maria Salvatoris Mater
Language: Latin
O Maria Salvatoris Mater, Fragrans flos pudoris, Superans nascentia. Parit illa mater fructum Qui iam nostrum tulit luctum Cunctaque peccamina. Parit Christum virgo manens; Quisnam negat? Numquid parens Virga Aaron legitur frondes, Flores produxisse? Deum ita potuisse Filium adseritur. Ex hac matre sic intacta Gignit eum, quo est facta Cunctaque viventia. Illam ergo recolamus, Cuius fructum sic amamus; Colant et caelestia. Quisnam vivit hoc in mundo, Cum sit captus iniucundo Morbo vel tristitia, Quin, si oret istam matrem, Intercedat ut ad Patrem Caelesti in patria? Exstat mater tum parata Nos iuvare; En! Quam grata Adest semper Maria. Rogamus et Frideswidam, Magdalenam, Catharinam Doctam philosophia; Theologia disputans Gentes cunctas superans Cum sit haec Catharina. His iam sanctis iubilemus, Voce, corde decantemus Hac nostra melodia.
Authorship:
- by Anonymous / Unidentified Author [author's text not yet checked against a primary source]
Musical settings (art songs, Lieder, mélodies, (etc.), choral pieces, and other vocal works set to this text), listed by composer (not necessarily exhaustive):
- by John Browne (flourished c1490), "O Maria Salvatoris Mater" [text verified 1 time]
Researcher for this text: Emily Ezust [Administrator]
This text was added to the website: 2014-06-23
Line count: 36
Word count: 123