by Guillaume de Machaut (c1300 - 1377)
Se d'amer me repentoie
Language: French (Français)
Se d'amer me repentoie Ne feingnoie, Trop seroie contre mi; Car tout mon temps perderoie, Que n'aroie Ja mais bon jour ne demi. Si vueil amer mon amy Loiaument, où que je soie, Et avoir le cuer joli, Gay, chantant et plein de joie; Ne pour chose que je voie Ne que je oie Ne le quier mettre en oubli, Car, s'autrement le faisoie, Mort l'aroie, Sans cop ferir, et trahi. Se d'amer me repentoie. Il m'a longuement servi Si bien que miex ne vorroie, N'onques en li riens ne vi De quoy reprendre le doie. M'onneur vuet plus que la soie. Qu'en diroie? Secrés et loiaus est, si Que, se souhaidier voloie, Je faurroie A souhaidier miex qu'en li. Se d'amer me repentoie. Chascuns dit que c'est celi Qui miex tient la droite voie Pour avoir des biens le tri Que Nature as siens ottroie. Pour quoy dont ne l'ameroie? Trop aroie Le cuer divers et failli, S'il m'aimme et je ne l'amoie, Et creoie, Quant il l'a bien desservi. Se d'amer me repentoie Ne feingnoie, Trop seroie contre mi; Car tout mon temps perderoie, Que n'aroie Ja mais bon jour ne demi.
Authorship:
- by Guillaume de Machaut (c1300 - 1377) [author's text checked 1 time against a primary source]
Musical settings (art songs, Lieder, mélodies, (etc.), choral pieces, and other vocal works set to this text), listed by composer (not necessarily exhaustive):
- by Guillaume de Machaut (c1300 - 1377), "Se d'amer me repentoie", monophonic virelai [text verified 1 time]
Researcher for this text: Emily Ezust [Administrator]
This text was added to the website between May 1995 and September 2003.
Line count: 44
Word count: 195