by Vincenzo Russo (1876 - 1904)
I' te vurría vasá
Language: Italian - Neapolitan (dialect)
Ah! Che bell'aria fresca... Ch'addore 'e malvarosa... E tu durmenno staje, 'ncopp'a sti ffronne 'e rosa! 'O sole, a poco a poco, pe' stu ciardino sponta... 'o viento passa e vasa stu ricciulillo 'nfronte! Chorus I' te vurría vasá... ma 'o core nun mm''o ddice 'e te scetá!.. I' mme vurría addurmí... vicino ô sciato tujo, n'ora pur'i'!... Tu duorme oje Rosa mia... e duorme a suonno chino, mentr'io guardo, 'ncantato, stu musso curallino... E chesti ccarne fresche, e chesti ttrezze nere, mme mettono, 'int''o core, mille male penziere! I' te vurría vasá... etc. Sento stu core tujo ca sbatte comm'a ll'onne! Durmenno, angelo mio, chisà tu a chi te suonne... 'A gelusia turmenta stu core mio malato: Te suonne a me?...Dimméllo! O pure suonne a n'ato? I' te vurría vasá... etc.
Authorship:
- by Vincenzo Russo (1876 - 1904) [author's text not yet checked against a primary source]
Musical settings (art songs, Lieder, mélodies, (etc.), choral pieces, and other vocal works set to this text), listed by composer (not necessarily exhaustive):
- by Eduardo Di Capua (1864 - 1917), "I' te vurría vasá" [ sung text verified 1 time]
Researcher for this text: Emily Ezust [Administrator]
This text was added to the website: 2017-04-18
Line count: 33
Word count: 132