by Jean Robertet (1405 - 1492)
Je meurs de soif auprès de la fontaine
Language: French (Français)
Je meurs de soif auprès de la fontaine ; Je treuve doulx ce qui doit estre amer ; J'aime et tiens chiers tous ceulx qui me font haine, Je hé tous ceulx que fort je deusse amer ; Je loue ceulx que je deusse blamer, Je prens en gré plus le mal que le bien ; Je vais querant ce qu'à trouver je doubte ; Croire ne puis cela que je sçay bien, Je me tiens seur de ce dont plus j'ay doubte. Je prens plaisir en ce qui m'est atayne ; Ung peu de chose m'est grant comme la mer ; Je tiens de près celle qui m'est loingtaine, Je garde entier ce que deusse entamer, Saoul suis de ce qui me fait affamer ; J'ay largement de tout, et si n'ay rien, J'oublie ce que plus à cuer je boute ; Ce qui me lasche me tient en son lien : Je me tiens seur de ce dont plus j'ay doubte. Je tiens pour basse chose qui est haultaine ; Je fuy tous ceulx que deusse reclamer, Je croy plus tard le vray qu'une fredaine ; Tant plus suis froit, plus me sens enflamer ; Quand j'ay bon cuer, lors je prens a pasmer, Ce que j'acquiers je ne tiens pas pour mien, Je prise peu ce qui bien chier me couste ; Sote manière m'est plus que beau maintien, Je me tiens seur de ce dont plus j'ay doubte. Prince, j'ay tout, et si ne sçay combien : J'atire à moy ce qui plus me déboute ; Ce que j'esloigne m'est plus qu'autre rien ; Je me tiens seur de ce dont plus j'ay doubte.
About the headline (FAQ)
Authorship:
- by Jean Robertet (1405 - 1492), "Ballade" [author's text checked 1 time against a primary source]
Musical settings (art songs, Lieder, mélodies, (etc.), choral pieces, and other vocal works set to this text), listed by composer (not necessarily exhaustive):
- by Camillo Togni (1922 - 1993), "Je meurs de soif", 1978, published 1996 [soprano and piano], from La Guirlande de Blois, no. 1, Milan, Éd. Suvini Zerboni [ sung text not verified ]
Researcher for this text: Emily Ezust [Administrator]
This text was added to the website: 2017-05-04
Line count: 31
Word count: 278