by Geoffrey Chaucer (c1343 - 1400)
Hyd, Absolon, thy gilte tresses clere
Language: English
Hyd, Absolon, thy gilte tresses clere; Ester, ley thou thy meknesse al a-doun; Hyd, Jonathas, al thy frendly manere; Penalopee, and Marcia Catoun, Mak of your wyfhod no comparisoun; Hyde ye your beautes, Isoude and Eleyne; My lady cometh, that al this may disteyne. Thy faire body, lat hit nat appere, Lavyne; and thou, Lucresse of Rome toun, And Polixene, that boghten love so dere, And Cleopatre, with al thy passioun, Hyde ye your trouthe of love and your renoun; And thou, Tisbe, that hast of love swich peyne; My lady cometh, that al this may disteyne. Herro, Dido, Laudomia, alle y-fere, And Phyllis, hanging for thy Demophoun, And Canace, espyed by thy chere, Ysiphile, betraysed with Jasoun, Maketh of your trouthe neyther boost ne soun; Nor Ypermistre or Adriane, ye tweyne; My lady cometh, that al this may distevne.
About the headline (FAQ)
Authorship:
- by Geoffrey Chaucer (c1343 - 1400), "Balade" [author's text not yet checked against a primary source]
Musical settings (art songs, Lieder, mélodies, (etc.), choral pieces, and other vocal works set to this text), listed by composer (not necessarily exhaustive):
- by Frederick Jacobi (1891 - 1952), "Ballade", from Two Poems by Geoffrey Chaucer, no. 2. [text not verified]
Researcher for this text: Emily Ezust [Administrator]
This text was added to the website: 2008-09-01
Line count: 21
Word count: 140