The LiederNet Archive
WARNING. Not all the material on this website is in the public domain.
It is illegal to copy and distribute our copyright-protected material without permission.
For more information, contact us at the following address:
licenses (AT) lieder (DOT) net

Psalmus 21 (22)

Language: Latin

1  [In finem, pro susceptione matutina. Psalmus David.]
2  Deus, Deus meus, respice in me: quare me dereliquisti?
   longe a salute mea verba delictorum meorum.
3  Deus meus, clamabo per diem, et non exaudies;
   et nocte, et non ad insipientiam mihi.
4  Tu autem in sancto habitas, laus Israël.
5  In te speraverunt patres nostri; speraverunt, et liberasti eos.
6  Ad te clamaverunt, et salvi facti sunt;
   in te speraverunt, et non sunt confusi.
7  Ego autem sum vermis, et non homo;
   opprobrium hominum, et abjectio plebis.
8  Omnes videntes me deriserunt me;
   locuti sunt labiis, et moverunt caput.
9  Speravit in Domino, eripiat eum:
   salvum faciat eum, quoniam vult eum.
10 Quoniam tu es qui extraxisti me de ventre,
   spes mea ab uberibus matris meæ.
11 In te projectus sum ex utero;
   de ventre matris meæ Deus meus es tu:
12 ne discesseris a me, quoniam tribulatio proxima est,
   quoniam non est qui adjuvet.
13 Circumdederunt me vituli multi;
   tauri pingues obsederunt me.
14 Aperuerunt super me os suum,
   sicut leo rapiens et rugiens.
15 Sicut aqua effusus sum, et dispersa sunt omnia ossa mea:
   factum est cor meum tamquam cera liquescens in medio ventris mei.
16 Aruit tamquam testa virtus mea,
   et lingua mea adhæsit faucibus meis:
   et in pulverem mortis deduxisti me.
17 Quoniam circumdederunt me canes multi;
   concilium malignantium obsedit me.
   Foderunt manus meas et pedes meos;
18 dinumeraverunt omnia ossa mea.
   Ipsi vero consideraverunt et inspexerunt me.
19 Diviserunt sibi vestimenta mea,
   et super vestem meam miserunt sortem.
20 Tu autem, Domine, ne elongaveris auxilium tuum a me;
   ad defensionem meam conspice.
21 Erue a framea, Deus, animam meam,
   et de manu canis unicam meam.
22 Salva me ex ore leonis, 
   et a cornibus unicornium humilitatem meam.
23 Narrabo nomen tuum fratribus meis;
   in medio ecclesiæ laudabo te.
24 Qui timetis Dominum, laudate eum; 
   universum semen Jacob, glorificate eum.
25 Timeat eum omne semen Israël, quoniam non sprevit,
   neque despexit deprecationem pauperis,
   nec avertit faciem suam a me:
   et cum clamarem ad eum, exaudivit me.
26 Apud te laus mea in ecclesia magna; 
   vota mea reddam in conspectu timentium eum.
27 Edent pauperes, et saturabuntur,
   et laudabunt Dominum qui requirunt eum:
   vivent corda eorum in sæculum sæculi.
28 Reminiscentur et convertentur ad Dominum universi fines terræ;
   et adorabunt in conspectu ejus universæ familiæ gentium:
29 quoniam Domini est regnum, et ipse dominabitur gentium.
30 Manducaverunt et adoraverunt omnes pingues terræ;
   in conspectu ejus cadent 
   omnes qui descendunt in terram.
31 Et anima mea illi vivet;
   et semen meum serviet ipsi.
32 Annuntiabitur Domino generatio ventura;
   et annuntiabunt cæli justitiam ejus
   populo qui nascetur, quem fecit Dominus.


Translation(s): ENG ENG GER

List of language codes

Submitted by Emily Ezust [Administrator]

Authorship


Musical settings (art songs, Lieder, mélodies, (etc.), choral pieces, and other vocal works set to this text), listed by composer (not necessarily exhaustive)

    [ None yet in the database ]

Settings in other languages:

  • Also set in English, a translation by Anonymous/Unidentified Artist , title 1: "Psalm 21 (22)", drawn from three different translations [an adaptation] GER by Oskar Morawetz.
  • Also set in German (Deutsch), a translation by Martin Luther (1483 - 1546) , title 1: "Psalm 22" ENG FRE by Felix Mendelssohn Bartholdy.

Other available translations, adaptations, and transliterations (if applicable):

  • ENG English (Bible or other Sacred Texts) , title 1: "Psalm 22", KJV


Text added to the website: 2009-05-13.
Last modified: 2014-06-16 10:03:14
Line count: 67
Word count: 441

Gentle Reminder
This website began in 1995 as a personal project, and I have been working on it full-time without a salary since 2008. Our research has never had any government or institutional funding, so if you found the information here useful, please consider making a donation. Your gift is greatly appreciated.
     - Emily Ezust

Browse imslp.org (Petrucci Music Library) for Lieder or choral works