The LiederNet Archive
WARNING. Not all the material on this website is in the public domain.
It is illegal to copy and distribute our copyright-protected material without permission.
For more information, contact us at the following address:
licenses (AT) lieder (DOT) net

La chasse

Language: French (Fran├žais)

Prima pars

Gentilz veneurs allez en queste au buysson,
Et soyez seurs s'il y a grant cerf ou non.
Le Petit Perot et le Verdier,
Vous prendrez chascun vostre limier,
La Roche. Plexis aurez pour compaignon.
Vous yrez destourner au rocher d'Avon.
Oudart et Britonniere, ferez la croix du Vaucervelle.
L'enseigne aussy, Bruniere,
Qui avez tres bonne cervelle.
Vous yrez a la crois du Grant Veneur,
Car il y a ung grant cerf, j'en suis seur.
Et faictes tost du revenir.
Puis liron lancer et courir.
Il faict bon prendre son deduict et son plaisir,
Avecque son chien tirer, quester et assentir.
Bon temps, mon amy, va avant, va par cy,
Friet mon amy, la la petit.
Real mon amy va avant
Souillart va avant par cy...
Tout quoy vez en cy les vois.
Mais qui ne serez sans refuz.
Je ne rencontre rien, onc si malheureux ne fuz.
C'est beste noire qui s'en va la.
Va oultre, va, la la, petit.
Traistre tout beau mot
Vien ça, c'est grant cert,
Par les portées elles sont haultes élevées.
C'est trop questé sans rien trouver.
Maugré bien du cordelier
D'huy ne puis rien rencontrer.
Verdier, avez vous rien de veu ?
Il me semble que j'ay veu du cerf que demandons.
Je n'ai de rien aperceu si est mon chien fort bon.
Mettez pied a terre, terrez coeut vostre chien
Malheur trop me serre, je ne feray luy bien.
J'ay eu malle matinée,
C'est rencontre d'estoulé.
C'est mon, voycy ma brisée, vela pas du cerf bon pied.
Quelles fumées il a getté
Bien viandées, pressées, esmoulées, bien formées
Elles ne sont point esguillonnées
Non, et si sont très colorées.
Croy que le roy bonnes les trouvera.
Faictes le devant de ce chemin la
Et je feray cestuy en.
Je ne voy point, c'est mal a point.
Avez-vous de rien veu?
Je n'ai rien aperçeu
Ma foy ne moy aussi
J'en suys fort esbahy
J'ai veu au matin une vieille accroupie.
Elle porte malheur,
J'ay veu une pye
Qui ne me cessoit d'agacer,
C'estoit assez pour enrager.
Sembloit que me voulsist menger,
Je pensoys que denst arrager.
Il est temps de s'en retourner
C'est follye de plus quester.
Il est ja trop hault heure
A vous point veu nostre cerf passer?
Non, ce me semble, il demeure,
Car j'en suys bien asseuré
Que mon chien ne l'a point surallé.
Voicy belle demeure.
Et puis Perot a vous rien veu?
Ouy, Sire, me semble qu'ay vendu cerf que demandons.
Est ce grant cerf monstrer
Elles ne sont point esguillonnées
Qu'en dictes vous grant seneschal?
Sire, poinct n'en est de meilleures.
Meziere sur tost a cheval.
Mort le voy ains qu'il soit cinq heures.

Secunda pars

Sur tous soulas, plaisir et lyesse,
Sur tous souhaitz qu'amour pourchasse,
Sur tous esbatz qui sont en noblesse,
Sur tous deduitz n'est que la chasse.
Perot mettez vous le premier
C'est par ey, Sire, descendez.
Vez cy de son viandis
Il n'a pas fait grant pois
Voicy du pied du grant cerf
Va avant la frere la
La la, Friet, la la parcy, va par cy
Il dit vray. Arotte voy le cy aller
Guare, guare, Tyaglare
Voy le cy fuyant la voye.
Approche ces chiens.
Je le congnois bien, Sire, c'est le mien.
Gnof, gnof. Plif plof...
Escoute a Clerant, escoute a Fricant,
A bas chien, a bas chien
Voy le cy fuyant la voye compaignon.
Gnof, gnof... La, Frere, la.
La ira Vendoise
Oultre a luy chiens. gnof gnof... plif plof...
Tout beau. Arriere chiens, arriere.
Ralliez chiens, ralliez.
Il se faira relancer.
Voy le cy aller jusques icy.
Tout bellement Contesse, tout bellement Clerande...
Tout beau Arson Arriere arrière villain
Souillart tout beau Marpaut tout beau,
La va reva il la, compaignon
Escoute la Mirande le voit Tyaylau...
Gnof gnof... Tronc tronc...
Voyez le cy aller par cy va par cy
Voyez le cy. Escoute le Real, escoute, a Condé
Voy le cy aller, oultre a luy chiens.
Gnof gnof... plif plof... tronc tronc...
Ho, il revient sur luy, arriere, la va, reva
Tout beau arriere, Haise m'amye par cy
Si si fuyra chiens, sus a luy.
Escoute, Evary.
Oultre a luy Bontemps, oultre Lombart.
Voy le cy, Mirande, Contesse a cestuy la
Escoute a cestuy la, vau le fouyr
La teste luy poise. Voy le cy aller, va oultre va
Gnof, plif plof...
Tyaullau, ne le tuez pas
Attendez le Roy
Nul n'y touche, Attendez, je le vueil tuer.
Sire tués le de peur qu'il ne blesse les chiens.
Gnof gnof... Arriere chiens
Tronc... tronc...


Submitted by Guy Laffaille [Guest Editor]

Authorship


Musical settings (art songs, Lieder, mélodies, (etc.), choral pieces, and other vocal works set to this text), listed by composer (not necessarily exhaustive)


Text added to the website: 2010-02-03.
Last modified: 2014-06-16 10:03:33
Line count: 127
Word count: 761

Gentle Reminder
This website began in 1995 as a personal project, and I have been working on it full-time without a salary since 2008. Our research has never had any government or institutional funding, so if you found the information here useful, please consider making a donation. Your gift is greatly appreciated.
     - Emily Ezust

Browse imslp.org (Petrucci Music Library) for Lieder or choral works