J'ayme bien celui qui s'en va
En priant Dieu que le conduie,
S'il me tient pour sa seule amye,
Mon cuer a luy obeira.

Jusques a ce qu'il reviendra
Jamais ne feray chiere lie,
J'ayme bien celui qui s'en va
En priant Dieu que le conduie.

Mon cuer aultre ne choisira
Fors que luy seul, jour de ma vie,
Quelque chose que nul en die,
Tous jours de lui me souvendra.

J'ayme bien celui qui s'en va
En priant Dieu que le conduie,
S'il me tient pour sa seule amye,
Mon cuer a luy obeira