Belle, veulliés moy retenir
Vostre servant, car sans faillir
Vous estes ma seule maistresse;
A vous servir mon cuer s'adresse,
S'il est de vostre bon playsir.

Ce jour de l'an vous veul offrir
Mon cuer que vous povés garir
De toute douleur et tristesse.
  Belle, veulliés [moy retenir
  Vostre servant, car sans faillir
  Vous estes ma seule maistresse.]

Vous me povés faire languir
Et si me povés resjouir
Et faire plain de grant liesse.
C'est ce pourquoy mon cuer ne cesse
De vous prier et requerir:

  Belle, [veulliés moy retenir
  Vostre servant, car sans faillir
  Vous estes ma seule maistresse;
  A vous servir mon cuer s'adresse,
  S'il est de vostre bon playsir.]