He, compaignons, resvelons nous
Et ne soions plus en soussy:
Tantost vendra le temps joly,
Que nous aurons du bien trestous.

Laissons dire ces fauls jalous
Ce qu'ils veulent, je vuos en pry.
  He, compaignons, [resvelons nous
  Et ne soions plus es soussy.]

Quant est de moy, je boy a vous,
Huchon, Ernouls, Humblot, Henry,
Jehan, Francois, Hugues, Thierry,
Et Godefrin dira a tous:

  He, compaignons, [resvelons nous
  Et ne soions plus es soussy:
  Tantost vendra le temps joly,
  Que nous aurons du bien trestous.]