by Arne Garborg (1851 - 1924)
Veslemøy ved Rokken
Language: Norwegian (Nynorsk)
D'er Haust. Det ruskar ute med Regn og kalde Vind. Smaafuglen flyr mot Rute og vilde gjerne inn. Men under Omnen god, der ligg paa Sekke-Pute han gamle Mons i ro. Der ligg han trygg og drøymer og blinkar stilt og smaatt og alt i Verdi gløymer og hev det varmt og godt. Og seier ingen Ting, men liksom inn seg gøymer med Rova sveipt i Kring. Som Silke-Nøste fine han ligg i mjuke Skinn med Svevn i kvar den Mine og alle Kløer inn. Og glyrer likesæl med kloke Augo sine og murrar smaatt og mêl. * Skal vita kvar du vankar i blide Draumar no? Kan henda dine Tankar seg svæver linnt til Ro i gamal Minne-Krins, som stilt i Hop seg sankar fraa den Tid, du var Prins? Venaste Prins i Verdi du gjekk i Skogen grøn med Gullhaar yver Herdi og ung og keik og kjøn og tenkte paa den Møy som gjekk og henta Bæri so vide under Øy. Daa kom den Trollheks blide med Sving og Sveiv og Svins fraa Trolleheimen vide og saag den vene Prins. Men skræmd han fraa ho skvatt. Daa las ho Trollbøn stride og gjorde han til Katt. Sidan so vidt han flakkar igjenom Skog og Skar, langt yver Berg og Bakkar og kjem til okkons Gard. Her kan i ro han døy. Her vil han kvila, Stakkar, og tenkja paa den Møy. Aa hu! det ruskar ute med Regnvind sur og graa; Smaafuglen flyg mot Rute og liksom bankar paa. Men under Omnen god u Mons paa Sekke-Pute skal drøyma lognt i Ro.
Authorship:
- by Arne Garborg (1851 - 1924), "Veslemøy ved Rokken", appears in Haugtussa, in 1. Heime, no. 1, first published 1895 [author's text checked 1 time against a primary source]
Musical settings (art songs, Lieder, mélodies, (etc.), choral pieces, and other vocal works set to this text), listed by composer (not necessarily exhaustive):
- by Edvard Grieg (1843 - 1907), "Veslemøy ved Rokken", EG 152 no. 2 (1895) [ voice and piano ] [sung text checked 1 time]
Researcher for this text: Emily Ezust [Administrator]
This text was added to the website: 2008-08-21
Line count: 57
Word count: 265