by Santu Casanova (1850 - 1936)
Cantu di malincunia
Language: Corsican
Cari monti diletti È colli profumati Ricordi suspirati Di la vita Dopu longa partita Tornu à l’amate sponde Ma più nimu risponde À la me voce Ùn ci hè più quella noce In la valle fiurita Si n’hè andata la vita Cù la pace Hè notte, tuttu tace Intorn’ à quelli lochi Ùn si vede più fochi In li contorni. Ch’ella senti u me cantu Pien’ di malincunia Chì ti chjama, O! Maria In tutti i lati Quelli patti sacrati Dicisi in cas’è fora Ormai hè ghjunta l’ora D’osservalli S’e tengu à ramintalli Ùn hè cà par mimoria Ch’hè troppu dura a storia Di u passatu Addiu, o pegnu amatu, Un’ altra volt’ addiu! Ti lasciu trà l’ubliu Di la notte.
Authorship:
- by Santu Casanova (1850 - 1936) [author's text not yet checked against a primary source]
Musical settings (art songs, Lieder, mélodies, (etc.), choral pieces, and other vocal works set to this text), listed by composer (not necessarily exhaustive):
- by Henri Tomasi (1901 - 1971), "Cantu di malincunia", 1933 [ voice and piano ], from Cantu di cirnu, no. 1 [sung text checked 1 time]
Researcher for this page: Joost van der Linden [Guest Editor]
This text was added to the website: 2023-01-04
Line count: 32
Word count: 121