Oh, my laddie, my laddie,
I lo'e your very plaidie,
I be your very bonnet
Wi' the silver buckle on it,
I lo'e your collie Harry,
I lo'e the kent ye carry;
But oh! yoursel', your very sel',
I lo'e ten thousand times at well!

Oh, my dearie, my dearie,
I could luik an' never weary
At your een sea blue an' laughin',
That a heart o' stane wad saften,
While your mouth sae proud an' curly
Gars my heart gang tirly-wirly;
But oh! Yoursel', your very sel',
I lo'e ten thousand times as well!

Oh, my darlin', my darlin',
Let's gang amang the carlin!
Let's loll upo' the heather
A' this bonnie simmer weather;
Ye shall fauld me in your plaidie,
My luve, my luve, my laddie;
An' close, an' close into your ear
I'll  whisper  how I lo'e ye, dear!