Novus miles sequitur viam novi regis
bonus pastor patitur pro salute gregis
Thomas agni sanguine lavat stole gemine
purpuram rubentem
res est satis evidens quod illustrat accidens
totum orientem

Opus erat medico mundo morienti
et gregi dominico pastore prudenti.
Sanguis Thome medici mundi paralytici
vulnera sanavit
Clamat grex dominicus quod Anglorum medicus
mundum renovavit

Thoma nati parvuli miles triumphalis
sis cleri sis populi pastor spiritalis.
Audi Legicestriam clerum et militiam
eius ita rege
ut regnet in patria peracta militia
cum eterno rege