by Anonymous / Unidentified Author
Quant voi la fleur nouvele
Language: Old French (Ancien français)
Quant voi la fleur nouvele Paroir en la praele Et j'oi la fontenele Bruire seur la gravele, Lors mi tient amors nouvele Dont ja ne garai. Se cist maus ne m'asoage Bien sai qu'en morai. «Je sui sade et brunete Et jone pucelete; S'ai coleur vermeillete, Euz verz, bele bouchete; Si me point la mamelete Que n'i puis durer. Reson est que m'entremete Des douz maus d'amer. «Certes, se je trouvoie Qui m'en meïst en voie, Volentiers ameroie; Ja por nul nel leroie. Car bien ai oï retrere, Et por voir conter, Que nus n'a parfete joie S'el ne vient d'amer.» Vers la tose m'avance Por oïr s'acointance; Je la vi bele et blanche, De simple contenance. Ne mist pas en oubliance Ce que je li dis. Maintenant, sanz demorance, S'amor li requis. Pris la par la main nue, Mis la seur l'erbe dure; Ele s'escrie et jure Que de mon gieu n'a cure: «Ostéz vostre lecheüre! Dex la puist honir! Car tant est asprete et dure Ne la puis souffrir.»
Authorship:
- by Anonymous / Unidentified Author [author's text not yet checked against a primary source]
Musical settings (art songs, Lieder, mélodies, (etc.), choral pieces, and other vocal works set to this text), listed by composer (not necessarily exhaustive):
- by Anonymous/Unidentified Artist , "Quant voi la fleur nouvele" [alto and bagpipes] [text verified 1 time]
Researcher for this text: Emily Ezust [Administrator]
This text was added to the website: 2011-01-02
Line count: 40
Word count: 171