And gin ye meet a bonny lassie, 
Gie'er a kiss, and let her gae,
But gin ye meet a dirty hussy, 
Fy gar rub her o'er wi' strae.
Be sure ye dinna quit the grip, 
Of ilka joy, when ye are young,
Before auld age your vitals nip, 
And lay ye twa-fauld o'er a rung.

Sweet youth's a blyth and heartsome time; 
Then, lads and lasses, while 'tis May,
Gae pu' the gowan in its prime, 
Before it wither and decay.
Watch the saft minutes of delyte, 
When Jenny speaks beneath her breath,
And kisses, laying a' the wyte 
On you, if she kepp ony skaith.