The noble Maxwels and their pow'rs
Are coming o'er the border;
They'll gae to big Terreagles' tow'rs,
And set them a' in order.

And they declare Terreagles fair,
For their abode they chuse it;
There's no a heart in a' the land,
But's lighter at the news o't.

And they declare &c.

Tho' stars in skies may disappear,
And angry tempests gather;
The happy hour may soon be near,
That brings us pleasant weather:

The weary night o' care and grief
May ha'e a joyfu' morrow;
So dawning day has brought relief,
Fareweel our night o' sorrow.

The weary, &c.