Jocky met with Jenny fair,
Aft be the dawning of the day;
But Jocky now is fu' of care,
Since Jenny staw his heart away:
Although she promis'd to be true,
She proven has, alak! unkind;
Which gars poor Jocky often rue,
That he e'er loo'd a fickle maid.

And it's o'er the hills and far away,
It's o'er the hills and far away
It's o'er the hills and far away
The wind has blown my plaid away.
Since that she will nae pity take,
I maun gae wander for her sake;
And in ilk wood and gloomy grove,
I'll sighing sing, adieu to love.
Since she is fause whom I adore,
I'll never trust a woman more;
Frae a' their charms I'll flee away,
And on my pipe I'll sweetly play,

O'er hills, and dales, and far away,
O'er hills, and dales, and far away,
O'er hills, and dales, and far away,
The wind has blown my plaid away.