by Alwine Wuthenow (1820 - 1908)
Kumm mit
Language: Plattdeutsch
Kumm mit, kumm mit, de Drossel sleit Dörch't gröne Holt, so säut, so säut, De Heben lacht vun Lust so satt, De Sünnschien schlöppt up Blom un Blatt Un plinkt in'n Drom, as: lat doch man, Ik fat ganz sacht lew Blöming an, Dat wier ja Schad üm ehr! Ja, kumm man, kumm, wo ball, wo ball Is se verblöht de Schönheit all! Se meenen 't ok, drüm danzt un springt Dat so vergnäugt un danzt un singt, As wüßtens ok, wo ball son Stral Up welke Bläder schient hendal Un alls is still un dod. Kumm mit, kumm mit, wo rükt dat frisch Ut Gras un Busch, in Wald un Wisch! De Bäk, de singt ehr drömig Stück Vun Lust un Leiw, vun Fred un Glück, Maiklökschen hürt vull Andacht to Un nickt un drömt denn ok vun Roh Un söte Fröjohrslust. Kumm mit, kumm mit, dat is de Tid, Wo 't Hart en ward so wied, so wied, Wo as de Blöm de Sinn geiht up Un blöht un waßt na'n Heben rup, In Lust und Leiw de Flüchten schwingt Un jucht un deit un lacht und singt In söte Seligkeit. Kumm mit, kumm mit, ja, noch is 't Tid, Noch lacht de Ir so schmuck un blied, En Blomenweig vull Lust un Freud, De Sünnenmutting weigen deit, So kumm denn mit, du Leifste min, Un lat din Hart ehr Spegel sin, En Blomenweig vull Lust!
L. Greger sets stanzas 1, 3-4
Authorship:
- by Alwine Wuthenow (1820 - 1908), "Kumm mit" [author's text checked 1 time against a primary source]
Musical settings (art songs, Lieder, mélodies, (etc.), choral pieces, and other vocal works set to this text), listed by composer (not necessarily exhaustive):
- by Luise Greger (1862 - 1944), "Kumm mit", op. 32, stanzas 1,3-4 [ mezzo-soprano and piano ] [sung text checked 1 time]
Researcher for this page: Johann Winkler
This text was added to the website: 2021-08-30
Line count: 35
Word count: 238