Go reidh, a bhean na tTrí mBó 
As to bhólacht ná bí teann 
Do chonairc meisi, gan gó,
Bean is ba dá mhó a beann. 

Ní mhaireann saidhbhrios do ghnúith 
Do neach ná tabhair táir go mór 
Chúgath an téag ar gach taobh 
Go reidh, a bhean na tTrí mBó.  

Sliocht Eóghain mhóir sa Múmhain 
A nimtheacht do ní clú dóibh 
A seólta gur léigeadar síos 
Go reidh, a bhean na tTrí mBó. 

Clann ghaisce thighearna an Chláir 
A nimtheacht sin ba lá leóin 
Sgan súil re na tteacht go bráth, 
Go reidh, a bhean na tTrí mBó.  

Dómhnall ó Dún-buídhe na long 
O'Súilleabháin nár thím glór 
Féach gur thuit san Spáin re cloidheamh 
Go reidh, a bhean na tTrí mBó. 

O'Ruairc is Maguidhir do bhí  
Lá i n-Eirinn na lán beóil 
Féach féin gur imthig an dír, 
Go reidh, a bhean na tTrí mBó. 

Síol gCearbhuill do bhí teann 
Le mbeirthí gach geall ingleó 
Ní maireann aon díobh mo dhíth 
Go reidh, a bhean na tTrí mBó.  

O aon bhoin amháin do bhreis 
Ar mhnaoi eile is í a dó 
Do rinnisi iomorca aréir 
Go reidh, a bhean na tTrí mBó. 

Bíodh ar mfhallaing a ainnir as uaibhreach gnúis 
Do bhíos gan dearmad seasmhach buan sa tnúith 
Tríd an rachmus do ghlacais red bhuaibh ar túis 
Da bhfaghainnsi reilbh a ceathair do bhuailfinn tú.