Ay! doloureux disant hélas
De ma piteuse vie las
Tres desirant suy de mourir
Quant plus ne puis cele veir
Qui mon cuer tient entres ses las.

Fortune m'a du tout mis bas
Et accablé a ses rabas
Puis qu'ay failli a mon desir.
  Ay! doloureux disant hélas
  De ma piteuse vie las
  Tres desirant suy de mourir.

Et dangier m'a restraint mes pas
Quant je devoye entre mes bras
Ma douce mestresse tenir,
Si m'en a falu abstenir
Dont je languis et ne vis pas.

  Ay! doloureux disant hélas
  De ma piteuse vie las
  Tres desirant suy de mourir
  Quant plus ne puis cele veir
  Qui mon cuer tient entres ses las.