Songs of the Anonymous Lover

Renouveler me feist en liesse
Li moys de May par son plaisant autour,
Mais ce me fait demorer en tristour
Que si loing suy de ma dame et maistresse.
Se peusse trouver voy ou adresse
De brief veoir ma joie et ma doçour,
Renouveler me feist en liesse
Li moys de May par son plaisant autour,
Or pri Amours qu’en bon espoir me lesse
Vivre tous jours en pensant a la flour
Qui tres bien puet alegier ma dolour
Par sa franchise et sa loyal promesse.
Renouveler me feist en liesse
Li moys de May par son plaisant autour,
Mais ce me fait demorer en tristour
Que si loing suy de ma dame et maistresse.

En esperant, que de vous ames soye,
Dame que j’aim plus qu’aultre qui soit nee, Vous
ai m’amour entierement donee,
Car de vous vient ma souvereinne joye.
Mieux assenes estre je ne porroie;
Pour ce vous estes toudis en ma pensee,
En esperant, que de vous ames soye,
Dame que j’aim plus qu’aultre qui soit nee.
Vo douz redart si m’a mis en la voie
D’estre amoureus, si que sans desevree,
De moy seres servie et honouree
Tot mon vivant, quoy qu’avenir m’en doie.
En esperant, que de vous ames soye,
Dame que j’aim plus qu’aultre qui soit nee, Vous
ai m’amour entierement donee,
Car de vous vient ma souvereinne joye.

Puis que l’aloe ne fine
De canter des qu’il est jour,
Et la violete afine
Si plaisant et noble odour,
C’est un signe qu’iver fine
Et que printamps, sans demour,
Amenera sa dousour fine.
C’est ce que mon desire tente
de faire sans nulle atente
chanson, et c’est bien rayson;
car je l’ay permis détente
pour loer ma dame gente
chascun an en tel saison.
Puis que l’aloe ne fine
De canter des qu’il est jour,
Et la violete afine
Si plaisant et noble odour,
C’est un signe qu’iver fine
Et que printamps, sans demour,
Amenera sa dousour fine.