Quant je sui mis au retour 
 De veoir ma dame, 
 Il n'est peine ne dolour 
 Que j'aie, par m'ame. 
  Diex! c'est drois que je l'aim,
  sans blame, de loial amour.
 
 Sa biauté, sa grant douçour
 D'amoureuse flame,
 Par souvenir, nuit et jour
 M'esprent et enflame. 
  Diex! c'est drois que je l'aim,
  sans blame, de loial amour.

 Et quant sa haute valour
 Mon fin cuer entame,
 Servir la vueil sans folour
 Penser ne diffame. 
 Diex ! C'est drois que je l'aim,
 sans blame, de loial amour.