Cuando el pueblo de Yisrael
d'Egipto salieron cantando,
con hijos y con mujeres,
šir širim iban cantando...
 
Vido venir a Faró
con un pendón colorado.
-- ¿Ande nos trajites, Mosé,
a morir en estos campos;
 
a morir sin sepultura
o en la mar ahogados?
-- No vos espantéz, judiós,
ni seaz despazenciados
 
Que miremos sus maravillas,
que mos hace el Dio de alto.
El es Uno y no sigundo;
El es Patrón de todo el mundo.