Tetin qui n'as rien que la peau 
Tetin flac tetin de drapeau
Grande tetine lonque tetasse 
Tetin doy le dire bezasse
Tetin au grand vilain bout noir
Comme celluy d'un entonnoir 
Tetin qui brinbale a tous coups
Sans estre esbranle ne secoux
Bien se peut vanter qui te taste
D'avoir mis la main a la paste 
Tetin grillé tetin pendant 
Tetin  flectry tetin redant
Villaine bourbe en lieu de laict
Le diable te faict bien sy laid 
Tetin pour trippe repute
Ou desrobe en quelque sorte
De quelque vieille cheure morte
Tetin propre pour en Enfer
Nourrir l'enfant de Lucifer 
Tetin boyau long d'une gaulle 
Tetasse a lecter sur l'espaule
Pour faire (tout bien compasse)
Ung Chaperon du temps passé 
Quand on te voit il vient a maintz
Une envie de dans les mains 
De te prendre avec des gans doubles
Pour en donner cinq ou six couples
De soufletz sur le nez de celle 
Qui te cache soubz son esselle
Va, va, va grand villain tetin puant 
Tu rourniroys bien en suant
De civettes et de parfums 
Pour faire cent mille defunctz
Tetin de laydeur despiteuze
Tefin dont nature est honteuse 
Tetin, tetin des villains le plus brave tetin
Terin dont le bout tousiours bave 
Tetin faict de poix et de glus
Bien, bien, bien, bien ma plume n'en parlez plus
Laissez-le là ventre sainct Georges
Vous me feriez rendre ma gorge.