Lou vieiounge plouro ;
Nàutri cantavian,
Mascara d'amouro
Coume de bóumian :
Cantavian Marsiho
Que, sus un pont nòu,
Ié plòu e souleio,
Ié souleio e plòu.

L'aigo poutounejo,
claro e'n tremoulan,
Si gran paret frejo
E si pieloun blanc.
De pont tant requiste
Se n'es jamai vist :
Lou soulèu i'es triste,
Lou blasin ié ris.

Lou blasin l'arroso,
Pecaire ! ... Mai lèu
La coulour di roso
lẻ vèn dóu soulèu ;
Eli calignaire
Rèston aplanta,
Sachènt pas que faire :
Ploura vo canta !

L'ivèr que deslamo
A rout lou pont nòu ;
Aro es dins moun amo
Que souleio e plòu ;
Aro tout me bagno
E brulo lou cor :
Rai trempe d'eigagno,
O bèu blasin d'or.