Clio, chantons disertement la gloire
Et le beau los de la ville d'Anvers,
Faisons son los au temple de memoire,
Vivr'à jamais par l'ardeur de mes vers.
Du peupl'aussi et de la Republique,
Chantons l'honneur, et du noble Senat,
Tant moderé, tant sag'et magnifique,
Qu'il faict beau veoir si prudent Magistrat.
Chantons aussi l'honneur des belles dames,
Tant richement ornées de douceur,
Et de beautez tant des corps que des ames,
Qu'on ne leur peut donner assez d'honneur.