A core cu Raziella mia,
stava assettato a chillo pizzo là.
Lu patre asceva e schitto 'nc 'era a Zia,
ma zitto nce se potea parlà.
La Zia fila va e poco nce senteva,
ca pe lu suonno la capo le pennea.
Io la manella de Nenna mia pigliava,
che non volea, ma se facea vasà!

Essa cantava co chella bella voce,
Lu mandolino io me mettea a sonà.
Essa dicea cantanno doce doce:
Aniello mio io sempe t'aggio a amà.
La Zia fila va e poco nce senteva
E pe lu suonuo la capo le pennea
Ma se 'ntrasatto essa maje se scetava
0 locco subbeto io me metteva a fà.

Ma chillo tiempo comme priesto e passato!
Darria lo sango pe farelo tornà!
Tanno era alliero, e mo so sbendurato!
Schitto d'arraggio, e chianto aggio a campà!
Raziella me ngannava
Mente d'occhiate e squase m'abbottava,
Aje! disperato tanto me so arredutto,
Che o moro acciso o m'aggio a vennecà!