by Anonymous / Unidentified Author
Optime pastor
Language: Latin
Optime divino date munere pastor ovili, Tandem qui laceri medicus gregis ulcera sanes, Sis felix pecori et nobis tuque ipse beatus. Sit totum pacare gregem tibi cura perennis; Reddatur pax alma tuis pax aurea saeptis, Et tua, qua polles, tam blando fistula cantu Foedere cornipetas concordi vinciat agnos. Reginam volucrum regi tibi iunge ferarum, Reddatur vobis ut abactis vestra Chimaeris. Postmodo concordes generosi pectoris iras In Turcas animate, lupos et monstra Canopi. Nulla gregi quadrupes, volucrisve inimica resistet, Dum videant aquilamque ducem verumque leonem, Haec pia Caesarei cantores vota frequentant. Vobis religio parque est reverentia recti. Vis animi et pietas clementiaque insita vobis. Par mundi imperium et gladius debetur utrique. Vera ergo auspiciis vigeat sapientia vestris Floreat et sanctis cum moribus inclita virtus; Sit suus ingenuis honor artibus et sua merces. Tum Medico exsultent colles et pascua plaudant Pontifici et tanto laetetur Caesare mundus. Haec pia Caesarei cantores vota frequentant. Amen. Tenor I Cantus firmus Da pacem Domine in diebus nostris: quia non est alius qui pugnet pro nobis, nisi tu Deus noster. Tenor II Cantus firmus Sacerdos et pontifex et virtutum artifex, bonus pastor in populo. Sic placuisti Domino.
Authorship:
- by Anonymous / Unidentified Author [author's text not yet checked against a primary source]
Musical settings (art songs, Lieder, mélodies, (etc.), choral pieces, and other vocal works set to this text), listed by composer (not necessarily exhaustive):
- by Heinrich Isaac (1450 - c1517), "Optime pastor", 1513 [chorus], motet [text verified 1 time]
Researcher for this text: Emily Ezust [Administrator]
This text was added to the website: 2014-07-24
Line count: 32
Word count: 190