by Libero Bovio (1883 - 1942)
A canzona 'e Napule
Language: Italian - Neapolitan (dialect)
Mme ne vogl'i' a ll'America, Ca sta luntana assaje, Mme ne vogl'i' addò maje Te pozzo 'ncuntrà cchiù. Mme voglio scurdà 'o cielo, Tutt' 'e ccanzone e 'o mare, Mme voglio scurdà 'e Napule, Mme voglio scurdà 'e mammema, Mme voglio scurdà 'e te. Nun voglio cchiù nutizie D'amice e d' 'e pariente, Nun voglio sapè niente 'E chello ca se fa! Mme voglio scurdà 'o cielo, Tutt' 'e ccanzone e 'o mare, Mme voglio scurdà 'e Napule, Mme voglio scurdà 'e mammema, Mme voglio scurdà 'e te. Ma quanto è bella Napule, Stanotte è bella assaje! Nun ll'aggio vista maje Cchiù bella 'e comm'a mo! Comme mme scordo 'o cielo, Tutt' 'e ccanzone e 'o mare? Comme mme scordo 'e Napule? Comme mme scordo 'e mammema? Comme mme scordo 'e te?
Text Authorship:
- by Libero Bovio (1883 - 1942) [author's text not yet checked against a primary source]
Musical settings (art songs, Lieder, mélodies, (etc.), choral pieces, and other vocal works set to this text), listed by composer (not necessarily exhaustive):
- by Ernesto de Curtis (1875 - 1937), "A canzona 'e Napule" [ sung text verified 1 time]
Researcher for this text: Emily Ezust [Administrator]
This text was added to the website: 2017-04-27
Line count: 27
Word count: 133