Fin ioi me don'alegranssa, 
Per qu'eu chan plus gaiamen, 
E non m'o teing a pensanssa, 
Ni a nengun penssamen, 
Car sai que son a mo dan 
Fals lauzengier e truhán, 
E lor mals diz non m'esglaia: 
Anz en son dos tanz plus gaia.

Em mi nom an ges fianssa 
Li lauzengier mal dizen, 
C'om non pot aver honranssa

Qu'a ab els acordamen; 
Qu'ist son d'altrestal sembaln 
Com la niuols que s'espan 
Qu-l solels en pert sa raia, 
Per qu'eu non am gent savaia.

E vos, gelos mal parlan, 
No -s cuges que m,an tarzan, 
Que iois e iovenz no -m plaia, 
Per tal que dols vos deschaia.