by Allan Cunningham (1784 - 1842)
Hame, hame, hame, O hame fain wad I be
Language: Scottish (Scots)
Hame, hame, hame, O hame fain wad I be -- O hame, hame, hame, to my ain countree! When the flower is i' the bud and the leaf is on the tree, The larks shall sing me hame in my ain countree; Hame, hame, hame, O hame fain wad I be -- O hame, hame, hame, to my ain countree! The green leaf o' loyaltie 's beginning for to fa', The bonnie White Rose it is withering an' a'; But I'll water 't wi' the blude of usurping tyrannie, An' green it will graw in my ain countree. O, there 's nocht now frae ruin my country can save, But the keys o' kind heaven, to open the grave; That a' the noble martyrs wha died for loyaltie May rise again an' fight for their ain countree. The great now are gane, a' wha ventured to save, The new grass is springing on the tap o' their grave; But the sun through the mirk blinks blythe in my e'e, I'll shine on ye yet in your ain countree. Hame, hame, hame, O hame fain wad I be -- O hame, hame, hame, to my ain countree!
About the headline (FAQ)
Glossary
fain wad I be = anxious would I be
White Rose = the symbol of the Stewarts
Authorship:
- by Allan Cunningham (1784 - 1842), "Hame, Hame, Hame" [author's text checked 1 time against a primary source]
Musical settings (art songs, Lieder, mélodies, (etc.), choral pieces, and other vocal works set to this text), listed by composer (not necessarily exhaustive):
- by (Henry) Walford Davies, Sir (1869 - 1941), "Hame", op. 18 (Six Songs) no. 1, published 1905 [ voice and piano ], London : Sidney Riordan [sung text not yet checked]
Researcher for this text: Emily Ezust [Administrator]
This text was added to the website: 2022-01-08
Line count: 20
Word count: 193