R. O vos angeli qui custoditis populos,
quorum forma fulget in facie vestra,
et o vos archangeli qui suscipitis animas iustorum,
et vos virtutes, potestates, principatus, dominationes et troni,
qui estis computati in quintum secretum numerum,
et o vos cherubin et seraphin,
sigillum secretorum Dei:

R. Sit laus vobis,
qui loculum antiqui cordis in fonte asspicitis.

V. Videtis enim interiorem vim Patris,
que de corde illius spirat quasi facies.

R. Sit laus vobis,
qui loculum antiqui cordis in fonte asspicitis.