Ave, generosa, gloriosa et intacta puella; 
tu, pupilla castitatis, tu, materia sanctitatis, que Deo placuit!

Nam hec superna infusio in te fuit, 
quod supernum verbum in te carnum induit,

Tu, candidum lilium, quod Deus ante omnem creaturam inspexit.

O pulcherrima et dulcissima; quam valde Deus in te delectabatur! 
cum amplexione caloris sui in te posuit ita quod filius eius de te lactatus est.

Venter enim tuus gaudium habuit, 
cum omnis celestis symphonia de te sonuit, 
quia, virgo, filium Dei portasti, ubi castatis tua in Deo claruit.

Viscera tua gaudium habuerunt, 
sicut gramen super quod ros cadit cum ei viriditatem infudit; 
ut et in te factum est, o mater omnis gaudii.

Nunc omnis Ecclesia in gaudio rutilet ac in symphonia sonet propter dulcissimam virginem 
et laudibilem Mariam Dei genitricem. Amen