by Anonymous / Unidentified Author
Lamentum Matris Euryali
Language: Latin
Hunc ego te Euryale aspicio? tu nè illa senectae Sera meae requies? potuisti linguere solam Crudelis? nec te sub tanta pericula missum Affari extremum miserae data copia matri? Heu, terra ignota canibus data preda Latinis Alitibusque iaces? nec te tua funera mater Produci, pressive oculos, aut vulnera lavi Veste tegens: tibi quam noctes festina, diesque Urgebam, et tela curas solabar aniles. Quò sequar? aut quae nunc artus, avulsaque membra, Et funus lacerum tellus habet? hoc mihi de te Nate refers? hoc sum terraque marique secuta? Figite me, si qua est pietas; in me omnia tela Coniicite, ò Rutuli: me primam absumito ferro. Aut tu, magne pater Divum, miserere, tuoque Invisum hoc detrude caput sub Tartara telo: Quando aliter nequeo crudelem abrumpere vitam.
Authorship:
- by Anonymous / Unidentified Author [author's text not yet checked against a primary source]
Musical settings (art songs, Lieder, mélodies, (etc.), choral pieces, and other vocal works set to this text), listed by composer (not necessarily exhaustive):
- by Domenico Mazzocchi (1592 - 1665), "Lamentum Matris Euryali" [text verified 1 time]
Researcher for this page: Guy Laffaille [Guest Editor]
This text was added to the website: 2009-02-05
Line count: 17
Word count: 122