It isnae me that's keerin - or no an awfu lot,
But - it's sair, whiles, mindin things ye thocht ye had forgot.
An when wee Tam the Fiddler played 'The Lea Rig'[2] doon the street,
I gied masel a shock tae find that I wis near tae greet.

It isnae me that's keerin - or no for vera lang,
But - there's mony happy times awa since last I heard yon sang.
An someway -- Och, I dinnae ken! I cannae say things richt --
I wish young Tam the Fiddler hadnae played yon sang last nicht.