Meine Mutter is a brave Frau,
Tragt die Stoaner auf den Bau.
Drum tragt sie auch koa schön's Gewand,
Steigt in Hadern umanand.
Wär mei Mutter a Baronessen,
Könnt sie alle Täg Braten fressen.
Oh, du lieber Gerichtsvollzieh'r!
's leid't 's uns kaum a Brot und 's leid't 's uns kaum a Bier.
O, mei! O mei! 
Mei Mutter is a Mörtelwei.

Uma fünfe geht s' an d' Arbeit schon
Um zwoa Mark im Tagelohn,
Und kimmt's auf d' Nacht uma sechs  vom Bau,
Schloagt's der Vatter braun und blau.
Dann essen ma an Kaffee auf d' Nacht,
Bankerte san ma Stucker acht,
Schloafen all' in oaner Stuben,
Vatter und die Mutter und die Madeln und die Buben.
O, mei! O mei! 
Mei Mutter is a Mörtelwei.

Habt's mi alle miteinander gern!
I mag net wia mei Mutter wer'n.
I mag a sauber's Deand'l sein,
Die Grafen werden um mi frei'n.
Mit an Grafen im Gubernat
Mach i den allergrößten Staat,
Trag' an Hut und spiel Klavier
und schenk mei Mutter alle Täg zwoa Weißwürscht' und a Bier.
O, mei! O mei! 
Mei Mutter is a Mörtelwei.