by Adam de la Halle (c1240 - 1287)

Assenés chi, Grievilier
Language: Old French (Ancien français) 
Assenés chi, Grievilier, jugement:
U quel puet miex chius se paine emploiier
Ki weut Amours par parole essauchier?
U en celui ki aime loialment
Pour chu k'il n'ait volenté ne talent
   De soi cangier,
U en celui ki aimme faussement
   Pour ravouer?

Adam, de chu vous jugerai briement.
En un loial a poi a preechier,
Et ensement ki est en un sentier
Pourfait k'il dist: «Alés seürement.»
Ciex fait trop miex ki sa paine despent
   Au losengier
Tant com l'a fait a amer loialment
   Acoragier.

Jehan de Grievil[i]er, sor fondement
Foible et mauvais fait mauvais edefier;
Laissiés le faus amant a justicier
Si vous metés a celui qui ne ment;
C'on voit par defaute d'enseignement
   Maint desvoiier
Et mainte tour ki n'a retenement
   Adamagier.

Adan, sachiés que mal ot qui n'entent
Et mal entent c'on ne puet consillier;
Teus fait trop mains ki loe un bon ouvrier
Ke ne fait cius qui a ouvrer l'aprent.
[Qui chou ne set ne voit pas clerement],
   Pour droit jugier,
N'il n'est pas plains de bon entendement,
   Au mien cuidier.

Authorship:

Musical settings (art songs, Lieder, mélodies, (etc.), choral pieces, and other vocal works set to this text), listed by composer (not necessarily exhaustive):


Researcher for this text: Emily Ezust [Administrator]

This text was added to the website: 2011-01-02
Line count: 32
Word count: 176