Mes yeux vous ont parlé de mes peines cruelles,
Et vous ont descouvert mes sentiments secrets ;
Ils ne pouvoient pour vous paroistre plus fidelles,
Mais ils devoient pour moy paroistre plus discrets.

J'ay fait ce que j'ay pû dans ma douleur extresme
Pour vous cacher le feu qui me doit consommer:
Mais si mes yeux, Philis, vous apprennent que j'ayme,
Les vostres m'ont appris que je devois aymer.