by Johann Hinrich Otto Meyer (1829 - 1904)
Kennst du dat Land?
Language: Plattdeutsch
Kennst du dat Land An'n Holstenstrand, Vun'n Elvstram bit de Eiderkant? Wo wit de See, bald lud, bald sacht, Sick vor di dehnt in all ehr Pracht? Wo ruscht dat Neth und singt de Swan, Wo Segel swevt op blaue Bahn? Dat smucke Land An'n Holstenstrand, Dat is min Heimatland! Kennst du dat Land An'n Holstenstrand, So lütt, -- un doch so weltbekannt? Versteken achter Dik un Damm? Mit Hemmingstcdt un mit de Hamm? Wo Hunnert gegen Dusend sla'n? Wo Graf un Fürsten ünnergahn? Dat lüttje Land An'n Holstenstrand, Dat is min Heimatland! Kennst du dat Land An'n Holstenstrand, Vun Segen rik ut Gottes Hand? Wo lustig twischcn Heck un Dorn De Wischen grönt un brust dat Korn? Wo Lurken singt? -- wo blöht dat Saat? Un wo in'n Wold de Ecken staht? Dat schöne Land An'n Holstenstrand, Dat is min Heimatland! Kennst du dat Land An'n Holstenstrand? Ick füll min Glas bit hoch an'n Rand! Und för min best un leevstes Gut Drink ick den letzten Drüppen ut! Gott's Segen denn veel dusend mal Daröwer hin! -- darop hind[?]l! -- Hurah! min Land An'n Holstenstrand! Hurah! min Heimatland!
Text Authorship:
- by Johann Hinrich Otto Meyer (1829 - 1904), "Kennst du dat Land?" [author's text checked 1 time against a primary source]
Musical settings (art songs, Lieder, mélodies, (etc.), choral pieces, and other vocal works set to this text), listed by composer (not necessarily exhaustive):
- by Claudius Serpenthien , "Kennst du dat Land?", op. 2, published 1879 [vocal quartet for male voices], Hamburg, Thiemer [text not verified]
Researcher for this text: Emily Ezust [Administrator]
This text was added to the website: 2012-07-03
Line count: 40
Word count: 185