Ave caro Christi cara
Immolata crucis ara,
Redemptionis hostia.

Morte tua nos amara
Fac redemptos luce clara
Tecum frui gloria.

Ave verbum incarnatum
De Maria Virgine,
Panis vivus angelorum,
Salus et spes infirmorum
Medicina peccatorum.

Salve corpus Jesu Christi
Quod de caelo descendisti
Et populum redemisti.
Qui in cruce pependisti.

Iesu bone, fons pietatis,
Laus angelorum,
Gloria sanctorum,
Spes peccatorum, 
Miserere nobis.

Salve lux mundi, verbum patris, hostia vera,
Viva caro, Deitas integra, verus homo.

Ave principium nostrae creationis,
Ave pretium nostrae redemptionis,
Ave viaticum nostrae peregrinationis,
Ave solatium nostrae expectationis,
Ave salus nostrae salvationis,

Qui hoc immolaris
Pro nobis et sanctificaris
Iuva dies nostros in pace disponi
Et nos electorum tuorum grege numerari.

Iesu bone, miserere nobis.