Chorus
 Bonnie wee thing, canie wee thing,
  Lovely wee thing, was thou mine;
 I wad wear thee in my bosom,
  Least my Jewel I should tine. -

Wishfully I look and languish
  In that bonie face o' thine;
And my heart it stounds wi' anguish,
  Least my wee thing be na mine. -
Bonnie wee thing, canie wee thing...

Wit, and Grace, and Love, and Beauty,
  In ae constellation shine;
To adore thee is my duty,
  Goddess o' this soul o' mine!