The deil's got in our lasses now;
The deil's got in our lasses now;
When ane wad trow they scarce ken what,
Gude faith! they make us asses now. -
She was sae sour and dorty, O,
She was sae sour and dorty, O,
Whane'er I spake, she turn'd her back,
And sneer'd  - "Ye re mair than forty, O"

Sae slee she look'd and pawky too!
Sae slee she look'd and pawky too!
Tho' crouse a-field I gaed to woo,
l'm hame come back a gawky now!
I rue the day I sought her, O;
I rue the day I sought her, O;
Wha gets her needs na say he's wood,
But he may swear he's bought her, O.