Mi Schatz isch jo schöni,
der liebst mer im Land;
er druck mer so herzig,
so fründli die Hand.
Er leugt mer in d' Augli,
i weiß jo nit wie,
mi Herz unterm Brusttuch
chlopft sölli daby.
Lalala ...

Er nennt mi sie Meidli,
flicht Chranz mer ins Hoor,
und düsselt mer allzit
sie Liebi ins Ohr.
Er schlingt um mi füürig
im Tanze sie Arm,
da wird mer so süessi,
so wohl und so warm.
Lalala ...

Er druckt mer ans Herzli,
mer wird wied und weh,
potztausig, het heimli
e Schmätzli mer ge.
Und denk i ans Manne,
und heimelt mer's a,
wird Niemes, i sag es,
ja er nur mi Ma.
Lalala ...