Il ne m'en chault plus de nul ame
Fors de vous qui mon cuer enflame
A vous bien loiaument amer
Sans jamais vous habandouner
A tousjours estre vostre dame.

Qui m'en loue ne qui m'en blame
Quoy qu'on en disoit homme ou femme
Ilz en ont tous beau grumeller
    Il ne m'en chault plus de nul ame
    Fors de vous qui mon cuer enflame
    A vous bien loiaument amer 

Car par tout m'en vous tiens et clame
Que tant je vueil et que tant j'ame
Plusque nul sans rien excepter
S'ilz en devoyent tous crever
Et deusse perdre du corps l'ame.

    Il ne m'en chault plus de nul ame
    Fors de vous qui mon cuer enflame
    A vous bien loiaument amer
    Sans jamais vous habandouner
    A tousjours estre vostre dame.