Ma bouche rit et ma pensee pleure
Mon oeil s'esjoye et mon cuer maudit l'eure
Qu'il ot le bien que sa senté dechasse
Et le plaisir qui la mort me pourchasse
Sans reconfort qui m'aide ne sequeure.

Ha cueur pervers faulsaire et mensongier
Dictes comment avez osé songier
Que de faulcer ce que m'avez promis
Puis qu'en ce point vous vous volez vengier
Pensez bientost de ma vie abregier
Vivre ne puis au point ou m'avez mis.

Vostre pitié veult d'onques que je meure
Mais rigueur veult que vivant je demeure
Ainsi meurs vif et en vivant trepasse
Mais pour celer le mal qui ne se passe
Et pour couvrir la deul ou je labeure.

    Ma bouche rit et ma pensee pleure
    Mon oeil s'esjoye et mon cuer maudit l'eure
    Qu'il ot le bien que sa senté dechasse
    Et le plaisir qui la mort me pourchasse
    Sans reconfort qui m'aide ne sequeure.