Prenez sur moi vostre exemple amoureux
Commencement d'amours est savoureux
Et le moyen plein de paine et tristesse
Et la fin est d'avoir plaisant maistresse
Mais au saillir sont les pas dangereux.

Servant amours me suis trouve eureux
L'une des foix et l'aultre malleureux
Ung jour sentant confort l'autre destresse
    Prenez sur moi vostre exemple amoureux
    Commencement d'amours est savoureux
    Et le moyen plein de paine et tristesse

Pour ung plaisir cent pensers ennuieux
Pour ung solas cent dangiers perileux
Pour ung accueil cent regars par rudesse
S'amours sert donc de tels mets a largesse
Et les loiaux fait les plus doloureux.

    Prenez sur moi vostre exemple amoureux
    Commencement d'amours est savoureux
    Et le moyen plein de paine et tristesse
    Et la fin est d'avoir plaisant maistresse
    Mais au saillir sont les pas dangereux.