Tant fuz gentement resjouy
Et tant fuz par amours jouy
Me tenir au vueil davant tous
De vostre gentil cuer tresdoulx
Qu'oncques puis sur moy ne jouy
Le mien tresdouloureux courroux

Si haltement avez party
Celuy qui de vous n'a party
Son cuer de vous amer tousjours
Par cy tres gracieux party
L'avez plaisamment departy
Du mal qu'il eust mis au dessoubs

Mon leal cuer de dueil nercy [=noirci]
Tancé en desperé soucy
Aloing de toute joye escoux
M'avez toute aforce rescoux
De mort dont sans nulle mercy
Attendoye les dangereux coupx

    Tant fuz gentement resjouy
    Et tant fuz par amours jouy
    Me tenir au vueil davant tous
    De vostre gentil cuer tresdoulx
    Qu'oncques puis sur moy ne jouy
    Le mien tresdouloureux courroux