There's cauld kail in Aberdeen, 
And castocks in Stra'bogie,
Gin I hae but a bonny lass, 
Ye're welcome to your cogie.
And ye may sit up a' the night,
And drink till it be braid daylight; 
Gie me a lass baith clean and tight,
To dance the Reel of Bogie.

In cotillons the French excel, 
John Bull in countra dances;
The Spaniards dance fandangos well, 
Mynheer an all'mand prances;
In foursome reels the Scots delight, 
The threesome maist dance wound'rous light; 
But twasome ding a' out o' sight,
Danc'd to the Reel of Bogie.

Now a' the lads ha'e done their best, 
Like true men of Stra'bogie;
We'll stop a while and tak a rest, 
And tipple out a cogie;
Come now, my lads, and tak your glass, 
And try ilk other to surpass, 
In wishing health to every lass
To dance the Reel of Bogie.