Virgo salutiferi
Genitrix intacta Tonantis
Unicaque undosi
Stella benigna maris,
Quam rerum Pater,
Ut lapso succurreret orbi,
Nondum distincto iusserat esse chaos,
Jesseaeque sacro nasci 
De sanguine gentis
Et matrem statuit
Virginitate frui.

Tu potis et primae
Scelus expurgare parentis
Humanumque Deo
Conciliare genus.
Lacte tuo, qui te,
Qui cuncta elementa crearat,
Pavisti vilis
Culmine tecta casae

Nunc, caeli regina,
Tuis pro gentibus ora,
Quosque tuus iuvit Filius,
Ipsa iuva, alleluia.

Tenor
 Ave Maria, gratia plena,
 Dominus tecum, 
 Benedicta tu in mulieribus,
 Alleluia.